السبت، أغسطس 13، 2016

مرحبا

مرحبا..بعد حوالي خمس سنوات اكتب من جديد اتوقع حنيت لمدونتي كثيير او مليت من مواقع التواصل الاخرى 

الجمعة، سبتمبر 30، 2011

قررت اشتغل طقــاقه...بقلم اختي :)



اسعد الله اوقاتكم بالخير والمسرات 
خشو معي عطول بالحكايه ..ماعندي مقدمات 
حكايه من التراب الشعبي العصري 
هي حدث حقيقي حصل معي في مرحلة الثانويه عام 2004
لكن السيناريو شوي كابه وزايده عليه بهارات وفلفل وكمون  

 طن طوون طييين 
 الرجاء من الطالبه (( اودري التوجه الى غرفة المراقبه حالا 
 معلمة الدين : يالله صباح خير من انتي بعد متهاوشه معه اليوم 
 انا : لالا كان يقولون روحي لغرفة المديره 
ما ينادوني لغرفة المراقبه الا على مكياج ولا تسريحه  
 المراقبه  < كائن تحب تتمسخر فيني ودايم تحارشني 

وموتها ولا تشوفني متزينه  
انا : كملي كملي الدرس ماعليك منهم .. تصدقين مره متحمسه ابي اعرف النهايه 

الابله : باللهي عاد .. الظاهر قاعده اشرح التاريخ مهوب فقه .. قومي قومي لا تعطلينا روحي للمراقبه 
بسم الله علي بغت تاكلني .. هي وهالنظاره الي كنها كفرات ونيت منسم
  
طق طق طق 
المراقبه : تفضلي يامؤدبه 
كيف بس ؟ اعجبتك طقة الباب ؟ 
المراقبه : بسم الله عليج دومج رقيقه 
 المراقبه : المهم وش اسم تسريحتج اليوم 
انا : تسريحة الهرم 
المراقبه : وريني عيونج 
انا : ها 
 المراقبه : حركيها 
انا : هاااااااااااااع 
المراقبه : روحي غسلي مسكرتج وهدي الهرم الي بانيته فوق راسج
انا : يووه ذبحتوني كل يوم فكي نزلي غسلي شطفي ...خلاااص امس حريم جايينا وهذا ما تبقى منه ايه وبعدين ترا فيه قرار من الوزاره ان المكياج مممنوع على المعلمات يعني مو بس على الطالبات المراقبه : لا تحاجيني يا ويه العنز يا تغسلينه يا تكتبين تعهد ... اختاري ؟ طيب بمسحه هههه ماتدري ان عندي علبة مكياج سبير .. بسقف الفصل سقف الفصل : هو سقف على شكل مربعات يوضع به كل الاغراض المخالفه رحت غسلته ورجعت لها وجنبها معلمة الجفرافيا انا : ها غسلته !! ممكن تخلوني امشي ترا وراي دروس مهمه وتعرفون ما اقدر افوتها المراقبه : عدااااال عداااال يا المتفوقه انا : ايه قررت اني اسير شاطره 


المراقبه : بعدي الشاطره بس انا وابله خلود قررنا انج تسيرين شيء ثاني 
انا : عريفه سريه ؟ لا شكرا شبعت حركات اابتدائي تحطوني عريفة عشان ما اطلع المراقبه : لا لا ..احنا سمعنا ان صوتج حلو ولهذا قررنا انك تسيرين مطربة المدرسه لليوم الوطني انا : من هالي طبلة اذنها منفقعه وقايله لكم صوتي حلو !!

ابله خلود : ليه صوتك مو حلو ؟


واقوم احط رجل على رجل : الا هو حلو .. وللمعلوميه هو مخلوط بين بحة نجوى كرم وخنة جورج وسووف ابله خلود : خلاص اجل راح تغنين في اليوم الوطني واطالع اظافري واقول : ايه بس ماقلتوا لي كم بتدفعون لي المراقبه وابلة خلود : نعم !!!!!!!!!!!واحط اظافري بفمي : يماه بسم الله ..خلاص لا تبققون عيونكم ماابي شيء ويقومون يطلعون من الدرج ورقه وفوقها شريط انا : عسى ماشر وش ذا ؟ابله خلود : كلمات الاغنيه !انا :وش هالي فوقه المراقبه : شريط الطقاقه سعيده واش اسوي انا بهالطقاقهالمراقبه : انتي بتغنين بفقرة العرس السعودي انا : نعم نعم نعاااااااااااااااااام !!؟؟

واحط يدي على خصري
((انا على سن ورمح اغني شعبي انا اللي ما اقلد الا صوت كريستينا ورقص بريتني ورومانسية جسيكا 
تبوني بتالي عمري اصير
طقااااااقه 

بعد 24 ساعه
فقت من الصدمه 
مع محاولات اقناعي 
وبالنهايه .. اخيرا وافقت 
واخذت شريط الطقاقه سعيده وجلست احفظ اغنية الزفه سبع ايام قبل موعد الحفل 
ومرت هالايام بدون 
ما ينادوني لا على مكياج ولا على تسريحه ولا هوشه 
وانا بقمة السعاده 
العالم يقعدون سبع حصص وانا نص يومي بروفه 
وصرت كل يوم احط مكياج ومره اسوي تسريحة الدلفين ومره تسريحة الفيونكه 
وفي امها خير المراقبه تقولي لي شيء ..
كل يوم مهددتهم بالانسحاب
 ::::::::::::::
اليوم الوطني

ورى الكواليس _


من اول حصه وحنا قاعدين نستعد بالغرفه الي ورى المسرح ..انا والبنات الي معي و مع الجو المؤقت الي اعطونياه المدرسه .. حسيت نفسي مطربه صدق واقعد اهاوش ابي غرفه لحالي اتزين فيهاو اسمع ابلة خلود وراي تهدي المراقبه تقولها : يابنت الحلال امسكي اعصابتس كلها ساعتين وبعدها فجري غضبتس الين بكره لو تبين تطلعين مصارينها بس اصبري
-------------
المذيعه:
 والاااانوبعد ماشفنا فقرة تاريخ اجدادي وفقرة تراث بلادي خلونا نحتفل بأغنية فلكلوريه لعرس شعبي قديم 
بأداء طالبات الثاني ثانوي- قسم الادبي 
(( ايه بنات العلمي مذيعات وشاعرات وممثلات وحنا يا الادبي حاطينا طقاقات ))
وانا عند باب المخرج بندخل على شكل مسيره
و وراي 30 بنت بيردون وراي 
قلبي قام يخبط القفص الصدري بدقاته 
وصوتي بدا يختنق من الخوف 
وحرانه وبغيت انادي المراقبه تهف علي بورقه 
احم احم
انا
 ولا اله الا الله
البنات الي وراي 
 لا اله الا الله

يصفقون ويطبلون بالطيران

المعلمات 
يزغرطن  
والامهات يصفقون
و روسهم تتمايل كل وحده تقول عسى بنتي ازين البنات وتكون من نصيب ولد الاميره 
ولا ولد المديره المعروف بوسامته وترزز وتميلح بنات المتوسط عند سيارته 

الاميره 
من سمعت صوتي وهي فيها الضحكه
انا 
يمر زول صورة احلام بعيني وهي تغني بالعروس 
واقوم ارفع يديني زيها ..ابي الكل يقوم ويرقص
امي 
كنها وحده كابين عليها مويه حاره 
لاعبه عليها وقايله لها اني بقصد بالملك عبدالعزيز :d 
ويوم بدينا نوصل لدرج المسرح 
والا قدمي ذيك اللمبه الي كبر راس مراقبتنا ... ماقدرت اطمرها
وانا ماعندي تفاهم واقوم ادفها برجولي الينها منكسره وطايحه تحت عند رجلين المديره 
وهي ماشاءالله بحركه جمبازيه ترفع رجلينها ... بدون ما تقطع شرح الفقره للاميره
ومع الحدث الغير متوقع.. ارتبكت قليلا 
لكن كملت ولا كأن ساير شيء 
وشوي 
يقومون المدرسات الي اخر المسرح يرقصون << عند الحمامات بسم الله 
و التفت على الكورال الي وراي 
والقى العالم كلهم مستنزلين 
والشعور تطاير والتوكات تتساقط 
مير وحده استنزلت بشعرها و تقوم تدور فيه مثل المروحه ... الله يجزاها خير بردت علي الجو
وش صاااااااااير !!! 
والتفت على نفسي 
والقاني مستنزله معهم
واهابد ..واهز الرقبه كني عتاب
و اقول للجمهور ((( عاااااشو الحاظرين ))) 
 ومن كثر الحماس بغيت ارقصلهم الموون ووك حقت مايكل جاكسون 
بس سويت فرامل على نفسي 
((ولا الله الا الله )) 
(( وكل مدارس ال.. كلهم ))
(( ويازين اودري بينهم ))
 فجأه القى المديره تأشرلي براسها على الاميره 
واقوم ااكمل  
(( وكل ال سعود كلهم .. عليهم رازة الرايا )) 
يا زين الاميره بينهم وزوجها لا تخلونا  
وكل بنات الثانوي كلهم  
لا فرق الله شملهم 
(( ويازين سارا بينهم )) 
ويازين اودري بينهم  
ويازين العنود بينهم 
واودري لا تخلونا 
 وكل المعلمات خياله 
عليهم رزة الرايا 
ويا زين عواطف بينهم 
وابله حنان لاتخلونا 
ويازين اودري بينهم 
 وصفق الجميع لي والجميع صفق لنفسه 
وانا اطالع ام دمجه المراقبه وهي مبسوطه على نهاية فقرتي 
وتطقني الغلقه 
بترجع حياتي مثل اول 
نعم بترجع حياتك مثل اول 
والا هي يد على كتفي ووجه ابله خلود وراي بنص ضحكه 
وبعدها يرن جرس
طن طووون طييييون 

(( الرجاء من الطالبه اودري التوجه الى غرفة المراقبه حالا ))
  
 اودري *=اسمها الفني في منتدى الاقلاع 

الأربعاء، سبتمبر 14، 2011

كيــــــــــــــــــــد النســــــــــــــــــــــاء

مرحبا من زمان مادونت هنا في مدونتي الحبيبه ...قاتلك الله ياتويتر :( 
.................



‏​​بقول لكم قصة

عن كيد النساءوحدة عروس اول سنه زواج ام زوجها توصف الحريم عند ولدهاالمهم الزوجة تنقهر وتسكت في يوم من الايام كان فيه زواج لقرايب الزوجة وعازمين ام زوجها وبعد الزواج ركبو السيارة وبدت ام الزوج تمدح لولدها بنت خالة زوجته تقول انها جميله وناعمة وبيضا وجسمها يجنن وخفيفة دم ووووووووالمهم الرجل انهبل مرة وحطها بباله وصار دايم يسأل زوجته وشلون بنت خالتك شفتيها وشً علومها الزوجة تتضايق من اسئلته وصارت هي سالفتهم لين تزوجت بنت خالتها ومع ذلك لا زال يسأل عنها منهبل عليها وفي يوم من الايام كانو مسافرين لماليزيا وجالسين عند البحر  وفجأة تمر وحدة سعودية شينه تجي الزوجة تروح وتسلم على الشينه وتخمها وتحببها وبالاخير قالت لها اسفة انا مشبهه عليك ورجعت لزوجها قال لها من اللي سلمتي عليها قالت هذي بنت خالتي جايه تتمشى مع زوجها وفجأة انصدم الرجل وجلس يهوجس ساعة وبعدها ماقد سأل عن بنت خالتها ابدالزوجة ذكيه تبيه ييشل البنت من باله وتبي تعلمه درس انه اذا امك امدحت احد تراه شين;) 
::::::::::::::
وبس 

الأحد، يونيو 19، 2011

ياكيف تنشد عن احوالي



 حطيت يد الحلوه ديم على الايبود ابغى اشوف
 حالتها النفسيه بغيت احط اصبعها لكن مانفع خخخخ




وهذي كانت النتيجه :)

الجمعة، يونيو 17، 2011

لا رحت للساحل الشرقي طرا علي نجد وفياضه




لا رحت للساحل الشرقي
طرا علي نجد وفياضه
ياما حلي لايح البرق
والسيل لحار بحياضه
ياما حلي نايح الورق
بين البساتين في رياضه
يا نجد ريمك بهن فرقي
يطول عنده ومركاضه
قلبي علي شوفكم حرقي
يا حلو صيفه ومقياضه







:::::::::::::::::::
صوره اعجبتني من ارشيف الوالد الله يطول بعمره