السبت، ديسمبر 25، 2010

:)



 

الأربعاء، نوفمبر 24، 2010

سكة الخطوط الخشبيه

اليوم 11\11\2010

المكان محطة القطار بالدمام

الوجهه :انترلاكن .....اكيد طبعا للرياض

الدرجه:الرحاب

:::

رحلة  الذهاب ماراح اتكلم عنها كثير لانها مريحه ولا حسينا ابدا بالطريق

الكل لاقي له وسيلة ترفيه اللي تطالع فيلم من اللاب واللي قاعده تسمع الاي بود

واللي على البي اس بي ...وانا ياراعية الموضوع قعدت اقرأ بكتاب ..

وقبل لانجلس بلغونا انه المقاعد بدون    

ارقام يعني من (سبق لبق) <<< ركزوا على هالمثل سناتي على ذكره مره اخرى

 ؟؟؟!!!!!

جانب من بعض الصور في رحلة الذهاب ..

 
هنا في صالة انتظار الرحاب المخصصه

صاله كبيره ومريحه وفيها انترنت مع الاجهزه ...وبوفيه

خفايف كوكيز وعصيرات وكلوب ساندويتش وشاي .

:::



 
هنا بنوتتي مبسوطه

:::

وهذا ولدي لاهي بالبي اس بي

 
وهنا جزء من جبال الالب
:::

وهذي عربة الطلبات...

:::::

ووصلنا بحفظ الله للرياض....

نجي عاد لرحلة  الاياب 
اليوم 12\11\2010

مااسرع عودنا خخخخخ


المكان محطة القطار بالرياض

الوجهه :الدمام

الدرجه الرحاب

::

دخلنا المحطه انا وخواتي وعيالنا ...والكل متشوق لركوب القطار مره ثانيه

من اللي شفناه برحلة الذهاب من (رفاهيه,راحه,هدوووء, نظافه,رووواق)

دخلنا صالة الانتظار ...حطينا الشنط

فوق جهاز التفتيش .مدري عاد وش اسمه هالجهاز   

والظاهر انه ما يشتغل .. << اجل تمر عليهم شنطةولدي

وفيها مسدس مويه ولا قالوا لي شيء    

آخر وحده كانت انا الكل سبقني ودخل ..وانا ادخل شناطي بالجهاز

الا اسمع واحد يقول بكل جلافه وطعاسه (تعاااالي يابنت) ...كملت تدخيل شناطي

الا واسمع النداء مرة اخرى بس معكوس(ياااااابنت تعالي) هالمره رفعت راسي

لقيت عسكري حاط منقاش بسنونه وكرشته مترين قدام وجالس على كرسي لفيت وراي اشوف

مين البنت اللي يناديها ؟؟

و قلت له واصبعي موجه لي (انا؟؟)

قال (ايه انتِ)

قلت (انا تقولي تعالي يابنت!!! )

قال (وش اسوي مااعرف اسمتس)

قلت (قل لوسمحتي يااختي )

قال (ايه طيب لوسمحتي هاتي التذاكر)  ; اهم شيء انه ماله خلقي ومعطيني على قد عقلي

قلت(ايه كذا ... انضبط)

::

المهم دخلت الصاله وانا مرتفع ضغطي لقيت خواتي ماشاءالله قد جلسوا وتقهووو بعد

وفي اثناء الجلسه حرصَنا عيالنا وقلنا لهم : اسمعوا اول مايفتحون البوابه اركضوا
واحجزوا مكان استراتيجي همااه...اللي هو الطاوله ام اربع كراسي ....بما انه شعار السكه (من سبق لبق)  
 (وهالطاوله السبشل) مافيه منها الا ثلاث ..ماقصروا عيالنا عسى
 ربي يحفظهم انطلقوا بتشجيع ومباركه من امهاتهم

والحمدلله وصلوا بعد ماراثون طويل بينهم وبين سوداني لابس شماغ وحجزوا الطاوله ام اربع واربعين ااااقصد ام اربع كراسي (ماتسوى علينا)

الا فجأه قومهم المضيف وقال (فوضى هي ؟؟!!قوموا ...على حسب الارقام ) في هاللحظه انا

وصلت ..قلت (مافيه مشكله حنا عائله منظمه وتحب النظام مع ان امس نظامكم من سبق لبق

ومااسرع ماغيرتوه  لكن ماعليه بنمشي على النظام الجديد)

المهم قلنا يالله هذي تذاكرنا عطونا كراسينا ...فجأه المضيف (( فيس متوهق ومحول ))قال (هااااه هذي طاولتكم ) وأشر على طاوله ام اربع كراسي جالس

عليها (الرجال السوداني اللي لابس شماغ) وحرمه سعوديه كبيره بالسن ...وشغاله ...

قال: هذي طاولتكم ؟؟

قلت :طيب قل لهم يقومون ؟؟!!

قال :لااا هم بعد هذي طاولتهم ؟؟؟!!

قلت :باللهي ؟؟؟طيب ممكن نشوف اليوم اللي حجزوا فيه متى كان ؟؟

وشكلي حجرت لهم ...

الرجال السوداني قام ...وقامت وراه الحرمه لكنها تحلطم وتقول (خلاص بنقوم وبنصير

احسن من غيرنا ) قاعده ترمي كلام ...احنا سفهناها ماودنا نراد حرمه كبيره ؟؟؟

التفت الا والقى الشغاله ماقامت ؟؟؟!!

قلت(وانتِ مش حتنتشروا) ؟؟؟!!!!

قالت (ايس كلام ..لاااا انا مافيه قوووم )

قلت(قومي حد النفس عليتس طيبه .. قومييي )

قامت وهي برضو تحلطم (يافرقا)؟؟!! المهم جلسو بالكراسي اللي بجنبنا لكن بينا الممشى..

بعدين فجأه جا عسكري وكم مضيف وراحوا للرجال السوداني واعتذروا منه

(خوش حنا اللي يغلط علينا وهم اللي يعتذرون لهم) ...بعدين مع الوقت والتلفونات اللي جتهم اكتشفنا انهم من طرف (تشفييييييييييير) (( فيس يصب عرقه من فوق ))

لكن برضوا ارجع واقول (النظام نظام ) وحنا شعب يحب النظام؟؟؟

وارفع راسك انت سعودي ؟؟ 

:::

بعدها بخمس دقايق ...دخلوا 4 عوايل من ربع (ابوشكيب) مامعهم ولا رجال 3 حريم و 15 بزر

يعني لو قسمناهم على 3 كل وحده يطلع لها خمسة رؤووس شقراء ؟؟؟!!

اول مادخلوا حسيت القطار مال الا شوي ؟؟!!

هدينا شوي (اثاريه الهدوووء الذي يسبق العاصفه) ؟؟؟!!!

فجأه سمعنا خبط وضرب وشبشب طاير من كومة الغبار اللي ورانا لفينا وقلت هاااو وش اللي صاير ... لقينا ولد وحده سوريه يتضارب مع ولد سعوديه ...اثر ولد السعوديه

غلب ولد السوريه وفاز عليه وهذا كان في رحلة الاياب ...(حسيت اني في تصفيات كاس العالم) 
المهم مالكم بالطويله الام السوريه عصبت وراحت تهوش الام السعوديه ...وتقول (شو هيدااا ليش تتركيه يضربه)

وخذت ولدها وهي معصبه وتكمل (ابني ابضاي ..ابضاااي )

قلت (اي هين توه عاضِ الارض) :D

:::

في اثناء الرحله الحرمه الكبيره اللي قلت لكم عنها شكلها ملت لفت علينا وقامت تسولف

معنا وتصادقنا حنا وياها ؟؟؟!! وش نسوي (اليد اللي ماتقواها صافحها) pb036

المهم وصلنا الحسا ونزلت الحرمه ومعها الرجل السوداني والشغاله..وحمل القطار ركاب ثانيين

::

مادريت الا والمضيف فوق راسي ..يقول : لو سمحتي اختي الظاهر فيه خربطه بالكراسي ممكن اشوف تذاكركم

لفيت عليه وقلت (تستهبل انت ) ؟ الحين مهوب انت حاضر وعارف وش اللي صار

و بغينا نتهاوش مع الحكومه و نركب جمس اسود بسبب خربطتكم

ولنا اربع ساعات ماشين من الرياض و ترجع وتقول بنتأكد من الارقام ؟؟!!

قال ايه بس الراكب هذا نفس رقمكم ...وأشر على واحد وراه (اطخم كنه عمر الشريف ) (فيس مستحي)!

التفت على خواتي وقلت وانا مستحيه  ( مادوكم ياخواتي تقوم وحده منكم بداله )



قالت اختي(ايه يومه (السوداني) وانتِ ناطلته هناك ؟؟؟! قلت (وش اسوي كل زينٍ مرحوم)


شفت مافيه امل ...لفيت على المضيف ..وقلت له(الى متى هالفضوى في سكتكم متى بتنتهي)

مارد علي خذ عمر الشريف وجلسه بجنب ربع ابوشكيب (الله يعينه)

:::

توني باحط رويسي وانام الا فجأه اسمع   خليك هنا خليييك بلاش تفارق؟

رفعت راسي وتواسيت الا والقى وحده من ربع بوشكيب شكل عمر الشريف جاز لها وشغلت جوالها

على آاااخر صوت وقامت تتمايل وتميل بيدينها يمين وشمال يارب لك الحمد...(ماتدري انه في اختراع اسمه سماعة اذن)

ولا يوم درت انه سعودي ... قامت غيرت الموجه وحطت اغاني خليجيه

اقسم بالله حسيت اني برحلة باص للزبداني ؟؟!!
عيال هالطربانه استغلوا طرب امهم وقاموا يتسابقون

في الممرات عاد انا حامت تسبدي منهم و بغيت اعكرف لهم

بس خفت من ربي ؟؟؟! قامت اختي وكرشتهم ...وانا تشجعت وقلت لهم ياويلكم

ان مريتوا من عندنا فاهمين ؟... شفتوا ذاك الكرسي ...تراه الحدود السوريه اللي في امه خير يتعداه ..في تمام الساعه التاسعه والنصف وصلنا محطة الدمام ...يااااوك المده 5ساعات وربي كنها 50من اللي شفناه ...

::::

 ماواجهناه في خطوط السكه الخشبيه  



1\ سمعنا انه لهم موقع على الانترنت للحجز

حجزنا عن طريقه على بالنا نقدر نطبع التذاكر مثل

الخطوط الجويه...اثاريه موقع خربوطي ؟؟؟!!!!

اضطريت احجز عن طريق التلفون ...وقال لي الموظف

لازم تجون تقصون قبل الرحله بــ 12 ساعه لانه الحجز

بيتكنسل اتوماتيك ...

طيب الناس اللي ساكنيين مناطق بعيده عن الدمام

بحدود ساعتين ..بالله كيف يحجزون ؟؟؟ليش مافيه

فروع للموؤسسه..حتى يقدرون يقصون تذاكرهم عن طريقها...

::

2\سوء التنظيم في توزيع المقاعد

وعدم التنسيق مع المحطات اخرى الكل يكتب رقم على كيفه

:::

3\جلافة بعض الموظفين ..ابفهم ليش مايعطون

الموظفين في جميع الدوائر الخاصه والعامه دوره

في (اسلوب التعامل الراقي ) مع المجتمع؟؟؟!!!

اتذكر وحده كويتيه (الله يذكرها بالخير) تقول

وش فيهم ربعكم اللي في الجوازت على الحدود

مايردون السلام ولايبتسمون ...قلت يا بنت الحلال مانبيهم

يبتسمون ولا يسلمون بس ينادونا زين خخخخخ
::::::


 

السبت، أكتوبر 23، 2010

الأربعاء، سبتمبر 29، 2010

Decor

مرحبا..من زمان مانزلت موضوع عن الديكورات


عاد هالايام قاعده اعدل في بيتي وبغرف عيالي وانا افرفر بالنت


لفت نظري موضوع نزلته احد العضوات في منتدى الاقلاع


اسمها ABOORY  عن ديكور غرفتها الجديد
  
ماشاءالله عليها ذويقه ..


اترككم مع الصور قبل وبعد ...


















ان شاءالله تتهنى فيها يارب